Жаңалықтар

03.08.2016
БАСТЫ МӘСЕЛЕ — ТҰРАҚТЫЛЫҚ

Темір және Мұғалжар аудандарының терроризмге қарсы комиссиялары және діни бірлестіктермен байланыс жөніндегі кеңестерінің бірлескен отырысы өтті.
Жиынға облыс әкімінің міндетін атқарушы Асқар Шериязданов, аудандар әкімдері, комиссиялар мен діни бірлестіктермен байланыс жөніндегі кеңестердің мүшелері, аудандардағы қоғамдық кеңестер мүшелері, мемлекеттік органдар мен құқық қорғау органдарының қызметкерлері, мектеп директорлары, аудандық мәслихаттар депутаттары, имамдар, т.б. қатысты.
Жиында діни экстремизм мен терроризмге қарсы іс-шаралар жоспарының орындалу барысы, террористік шабуылдар төну қаупі бар нысандардың қорғалу жайы талқыланды.
2016 жылдың алғашқы жартыжылдығы қорытындылары бойынша, Темір және Мұғалжар аудандарындағы діни ахуал тұрақты. Жергілікті билік тарапынан діни экстремизм мен терроризмнің алдын алу, халықтың діни сауатын көтеру мақсатындағы шаралар қолға алынған.
14.07.2016
Баспасөз парағы

2016 жылғы 14 шілдеде Қазақстан Республикасы Мәдениет және спорт министрлігі Дін істері комитетінің төрағасы Ғалым Шойкин мен Төраға орынбасары Бақытжан Кулекеевтің Қазақстандағы АҚШ Елшілігінің Саясат бөлімінің басшысы Нингчуан Чжумен кездесуі болып өтті.
Тараптар кездесу барысындадін саласындағы мәселелерді талқылап, қазіргі күндегі заманауи әлемді толғандырып отырған халықаралық терроризмге және зорлық-зомбылық сипаттағы экстремизмге қарсы іс-қимыл саласындағы ынтымақтастықты кеңейту мәселелері бойынша пікір алмасты.
05.07.2016
Облыс әкімі Ораза айтпен құттықтады

Ақтөбе облыстық орталық «Нұр Ғасыр» мешітіне Ораза айт намазына жиналған жамағат көп болды.
30 күн бойына оразаларын ұстап, басқа да құлшылықтарын жасаған мұсылман қауым айт намазын оқу үшін орталық мешітке қарай ағылды.
Облыс халқын мұсылмандардың ұлық мерекелерінің бірі — Ораза айтымен құттықтау үшін «Нұр ғасыр» мешітіне Ақтөбе облысының әкімі Бердібек Сапарбаев пен Қазақстан халқы ассамблеясы Хатшылығының меңгерушісі Ералы Тоғжанов та келді.
— Айлардың сұлтаны, құдіреттісі — Рамазан да, міне, бітті. Осы айда ұстаған оразаларыңыз қабыл болсын! Рамазан айында адамдар саналарындағы керек емес, жаман ойлардан тазарып, имандарын арттырды, — деген облыс әкімі Бердібек Сапарбаев халқымыздың өз діні мен салт-дәстүріне қауышуының Тәуелсіздіктің арқасында орын алғанын атап өтті.
05.07.2016
Ақтөбе облысы дін істері басқармасы басшысының брифингі

Ағымдағы жылдың 5 шілдесінде Ақтөбе облысының дін істері басқармасының басшысы Есмахан Бауыржан Әбдірашұлының қатысуымен басқарманың атқарылып жатқан шаралар бойынша брифинг өтті.
Брифинг барысында облыстағы қоғамдық-саяси, соның ішінде діни ахуалды тұрақтандыру мақсатында жергілікті атқарушы және құқық қорғау органдары тарапынан бірлесіп атқарылған жұмыстар, аймақта діни экстремизм көріністерінің алдын алу, қоғамдағы бірлікті нығайту, мемлекеттің дінге қатысты саясатын халыққа насихаттау мақсатында жүргізіліп жатқан шаралар барысы баяндалды.
04.07.2016
Облыс әкімі ауызашар берді

2016 жылдың 1 шілдесінде Ақтөбе облысының әкімі Бердібек Сапарбаев облыстық орталық «Нұр ғасыр» мешітінде қасиетті Рамазан айында ораза ұстап жүрген мұсылман жамағатқа ауызашар берді.
Ауызашар рәсіміне облыстың жоғары зиялы қауым өкілдері, ардагерлер, кәсіпкерлер, жергілікті атқарушы және құқық қорғау органдарының өкілдері және қала мешіттері мен медреселерінің діни қызметкерлері, барлығы 150 адам шақырылды.
Алдымен ҚМДБ Ақтөбе облысы бойынша өкілі, «Нұр ғасыр» мешітінің бас имамы Төлеби Оспан құран оқып, шақырылған қонақтар ауыз ашу рәсіміне кірісті.
Облыс әкімі дастархан мәзіріне шақырылған қонақтарды Қасиетті Рамазан айымен құттықтады.
Сонымен қатар, облыстық ардагерлер кеңесінің төрағасы Бірманов Кеңес, Еңбек ардагері Құсайынов Сағынай қажы және басқа да елге сыйлы азаматтар бүгінгі қоғамдағы жастар тәрбиесі туралы айтып, елді бірлікке шақырды.
27.06.2016
Терроризмге қарсы комиссия мен діни бірлестіктермен байланыс жөніндегі кеңестің бірлескен отырысы

Терроризмге қарсы комиссия мен діни бірлестіктермен байланыс жөніндегі кеңестің бірлескен отырысы өтті. Жиынға облыс әкімі Бердібек Сапарбаев төрағалық етті.
Жиында діни экстремизм мен терроризмге қарсы тұру жөніндегі 2013-2017 жылдарға арналған шаралар Жоспарының орындалуы, маңызды нысандардың қорғалу жайы талқыланды.
Облыстық ішкі істер департаментінің басшысы Мақсұтжан Әбіләзімов лаңкестік қауіп төнуі мүмкін нысандар тізіміндегі 110 нысанның тексерілгенін айтты. Бұл — жыл басынан бергі шаруа. Тексерулер қорытындысы бойынша, түрлі заңбұзушылықтарға байланысты нысандар иелеріне 104 ескерту жіберілген.
21.06.2016
Қатерлі оқиғалардың қайталануына жол берілмеуі тиіс

Ақтөбе облысының әкімі Бердібек Сапарбаев «Аңсар» ақпараттық-сараптама клубында теологтар және имамдар мен өткізген кездесу барысында осындай тапсырма берді.
Өңір басшысы мешіттер мен діни орталықтарда ақпараттық-насихаттау жұмыстарының әлсіз жүргізілетінін атап өтті. Оның айтуынша, құқық қорғау органдарының қызметкерлері діни қауымдастықтарды есепке алып, талдау жұмыстарын жүргізбейді. Әсіресе, жастармен жүргізілетін жұмыстар баяу болғандықтан, салдарынан жас балалар экстремистік топтардың құрығына түсіп жатады.
15.06.2016
ҚР Мәдениет және спорт вице-министрі Марат Әзілхановтың қала имамдарымен кездесуі

2016 жылдың 14 маусымы күні облыстық орталық «Нұр ғасыр» мешітінде ҚР Мәдениет және спорт министрі Марат Әзілхановтың облыс имамдары мен теолог мамандарымен кездесуі өтті.
Аталмыш шараға дін істері басқармасының басшысы Б. Есмахан, облыстық орталық «Нұр ғасыр» мешітінің бас имамы Т. Оспан және қала имамдары мен теолог мамандары қатысты.
Шара барысында облыстың қазіргі діни жағдайы баяндалып, діни ахуалды тұрақтандыру мақсатында теріс ағымның алдын алу жұмыстары талқыланды.
08.06.2016
БАСПАСӨЗ ПАРАҒЫ

2016 жылдың 7 маусымы күні облыстық орталық «Нұр-ғасыр» мешітінде облыс әкімі Б. Сапарбаевтың төрағалығымен «Нұр Отан» ХДП төрағасының бірінші орынбасары М. Құл-Мұхаммедтің қатысуымен облыс имамдары мен теолог мамандарының жиналысы өтті.
Аталмыш шараға Қазақстан мұсылмандары діни басқармасының төрағасы, бас мүфти Маямеров Ержан қажы Малғажыұлы, облыстық ардагерлер Кеңесінің мүшелері, облыс имамдары мен теолог мамандары қатысты.
27.05.2016
Ақтөбе облысы имамдарының біліктілігін арттыруға бағытталған семинар

2016 жылдың 25-26 мамыр аралығында Ақтөбе облысы имамдарының біліктілігін арттыру бойынша екі күндік семинар өтті.
Ақтөбе қаласы мен аудандары мешіттерінің жалпы саны 16 имамдарының қатысуымен өткен семинарға қатысты. Семинардың алғашқы күнінде Ақтөбе облыстық дін істері басқармасының басшысы Б. Есмахан «Өңірдегі діни ахуал» тақырыбында дәріс оқып, имамдардың атқарып жатқан қызметтеріне ризашылығын білдірді.
04.05.2016
Террористік актілерді болдырмау жөніндегі халыққа арналған жадынама

Мұқият болыңыздар! Үйіңіздің кіреберісіндегі, аулаларыңыздағы, көшедегі бөгде заттар мен адамдарды дер кезінде өздеріңіз ғана байқай аласыздар.
Қырағы болыңыздар! Маңайдағы адамдардың жүріс-тұрысына, орынсыз жатқан иесіз мүліктер мен заттарға көңіл аударыңыздар.
Үйлеріңіздің қауіпсіздігін қамтамасыз етіңіздер: кіреберісте домофонымен темір есік орнатыңыздар, жертөлелер, үй шатырлары және техникалық ғимарат есіктерінің ашық - жабықтығын тексеріңіздер.
03.05.2016
Православие Христиандары Пасха мерекесін тойлады

Облыс әкімі Бердібек Сапарбаев Свято-Никольский кафедралдық соборында православие христиандарын Пасха мерекесімен құттықтады.
— Пасха — ұзақ күттіретін, жарқын мереке! Мұның алдында құдайға сенушілер ұзақ уақыт ораза ұстайды. Бұл тек қана православие христиандарының ғана емес, барлық қазақстандықтардың мерекесі, — деді құттықтау сөзінде Бердібек Сапарбаев.
20.04.2016
«Құқықтық мәдениет және құқықтық білім беру – экстремизм мен радикализмнің алдын алу құралы» тақырыбында конференция өтті

2016 жылдың 19 сәуірі күні Қ. Жұбанов атындағы Ақтөбе өңірлік мемлекеттік университетінің студенттер сарайында облыстық жастар саясаты мәселелері басқармасы, дін істері басқармасы, әділет департаменті және басқа да құқық қорғау органдары өкілдерінің қатысуымен «Құқықтық мәдениет және құқықтық білім беру – экстремизм мен радикализмнің алдын алу құралы» тақырыбында студенттермен кездесу өтті.
Жастар арасында құқықтық мәдениетті қалыптастырып, діни радикализмнің алдын алу мақсатында өткен конференцияда студенттер арасында құқық бұзушылықтың алдын алу және жастарды дәстүрлі емес діни ағымдардан сақтандыру шаралары туралы мәселелер талқыланды.
Сонымен қатар, шара барысында аталмыш тақырыпта кітаптар мен мерзімдік басылымдар көрмесі ұйымдастырылды.
12.04.2016
Діни бірлестік басшыларының жиналысы

Ағымдағы жылдың 11 сәуірі күні дін істері басқармасының басшысы Б.Есмаханның төрағалығымен жергілікті діни бірлестік өкілдерінің жиналысы өтті. Аталмыш шараға облыстық прокуратура қызметкері, діни бірлестік жетекшілері, дін істері басқармасының қызметкерлері және БАҚ өкілдері қатысты.
Жиналыс барысында облыстық прокуратура қызметкері Уснадин Талап Аязбайұлы Астана, Алматы және Щучинск қалаларының сот шешімі бойынша ҚР атынан экстремистік деп танылған, әкелуге және таратуға тыйым салынған діни әдебиеттерге қатысты баяндама оқып, діни бірлестік жетекшілерін тыйым салынған діни әдебиеттерге қатысты сот шешімімен таныстырды.
Сондай-ақ, басқарма басшысы қазіргі таңдағы облыстың діни ахуалы туралы баяндама жасап, діни бірлестік өкілдеріне басқарма тарапынан ҚР «Діни қызмет және діни бірлестіктер туралы» Заңына сәйкес көрсетілетін мемлекет қызметтер туралы ақпарат берілді.

Беттер